The Athletic-ի ինսայդեր Դեյվիդ Օրնշտեյնը խոսել է այն լուրերի մասին, որ Լևերկուզենի «Բայերի» գլխավոր մարզիչ Խաբի Ալոնսոն ավելի մոտ է «Բավարիա» տեղափոխվելուն, քան «Լիվերպուլ»:
«Բավարիան» ջանում է ձեռք բերել Ալոնսոյին, բայց այս պահին ես ոչինչ չգիտեմ նրա կայացրած որոշումների մասին։ Նա կարող է հակված լինել այս կամ այն տարբերակին, բայց դա չի նշանակում, որ մինչև ամառ ոչինչ չի փոխվի։ Այդ իսկ պատճառով «Բավարիան», «Լիվերպուլը» և «Բայերը» կշարունակեն ուսումնասիրել բոլոր տարբերակները»,- ասել է լրագրողը։
Ավելի վաղ հաղորդվում էր, որ իսպանացի մասնագետին հավակնում են «Բավարիան» և «Լիվերպուլը», որոնք փոխարինող են փնտրում համապատասխանաբար Թոմաս Տուխելին և Յուրգեն Կլոպին։
