«Մանչեսթեր Սիթիի» գլխավոր մարզիչ Պեպ Գվարդիոլան բարձր է գնահատել իր թիմի ցուցադրած խաղը Անգլիայի գավաթի խաղարկության 1/8 եզրափակչի «Բլեքբերնի» նկատմամբ տարած հաղթանակում (6:2)։
Իսպանացին առանձին խոսել է հարձակվող Էրլինգ Հոլանդի խաղի մասին, ով դարձել է պենտա-տրիկի հեղինակ, ինչպես նաև կիսապաշտպան Կևին դե Բրույնեի, ով կատարել է 4 գոլային փոխանցում։
«Ի՞նչ կարող եմ ասել։ Իսկապես լավ ելույթ էր։ Էրլինգը այրում է, իսկ Կևինը… նրանց կապը կատարյալ էր:
Կևինին պետք են այնպիսի ֆուտբոլիստներ, ինչպիսին Էրլինգն է, իսկ Էրլինգին՝ Կևինի նման: Բայց մենք դուրս եկանք քառորդ եզրափակիչ ոչ առանց այլ տղաների։ Մեծ պատիվ բոլորին:
Մենք հաղթեցինք մեր վերջին երկու խաղերում 1-0 հաշվով, իսկ «Չելսիի» դեմ լավ խաղացինք երկրորդ խաղակեսում, բայց չկարողացանք հաղթել: Մի խաղ մեկ անգամ: Անգլիայի գավաթն իսկապես լավ մրցակցություն է: «Ուեմբլիից» մեզ կրկին մեկ խաղ է բաժանում»,- Գվարդիոլայի խոսքերն է մեջբերում BBC-ն։
