Սպասվում է, որ «Բարսելոնան» մրցաշրջանի վերջում կբաժանվի մի շարք խաղացողներից, սակայն 16-ամյա հարձակվող Լամին Յամալի վաճառքը միանշանակ չի մտնում թիմի ղեկավարության ծրագրերի մեջ։

Նրա գործող պայմանագրի ժամկետը, որը նախատեսված է մինչև 2026 թվականը, ունի 1 միլիարդ եվրո ազատման կետ:

Ինչպես հայտնում է Mundo Deportivo-ն, «Բարսելոնայի» երկրպագուները կարիք չունեն անհանգստանալու հրաշամանուկի ապագայի համար։ Ակումբն արդեն համաձայնության է եկել ֆուտբոլիստի գործակալ Ժորժե Մենդեշի հետ՝ պայմանագիրը մինչև 2030 թվականը երկարաձգելու շուրջ։

Յամալը կկարողանա նման գործարք կնքել 2025 թվականի հուլիսից ոչ շուտ, երբ Լամինը կդառնա 18 տարեկան։ Մինչ այս օրը նա կարող է պայմանագրեր կնքել ոչ ավելի, քան 3 տարի ժամկետով։

Կատալոնական ակումբը վստահ է, որ Յամալը կարող է դառնալ «Բարսելոնայի» դեմքը հաջորդ տասնամյակի ընթացքում։