«Բավարիայի» ղեկավարությունը չի մտածում գլխավոր մարզչի պաշտոնից Թոմաս Տուխելին հեռացնելու մասին, հայտնում է լրագրող Ֆլորիան Պլետենբերգը։
Աղբյուրի տեղեկություններով՝ Տուխելը միանշանակ կշարունակի աշխատել մյունխենյան ակումբում՝ չնայած վերջին հանդիպումներում անհաջողություններին։
50-ամյա գերմանացին նույնպես չի դիտարկում պաշտոնից հեռանալու հնարավորությունը։
«Բավարիան» պարտվել է վերջին երեք հանդիպումներում՝ պարտվելով առաջնության առաջատար Լևերկուզենի «Բայերին» (0:3), Չեմպիոնների լիգայի 1/8 եզրափակչի առաջին խաղում «Լացիոյին» (0:1) և «Բոխումին» (2:3):
22 տուրից հետո մյունխենցիները Բունդեսլիգայի մրցաշարային աղյուսակի երկրորդ տեղում են՝ 8 միավորով զիջելով «Բայերին»:
