«Չելսիի» գլխավոր մարզիչ Մաուրիսիո Պոչետինոն մեկնաբանել է Պրեմիեր լիգայի 25-րդ տուրում «Մանչեսթեր Սիթիի» դեմ խաղում գրանցված ոչ-ոքին (1։1)։
Լոնդոնցիները հաշվի մեջ առջևում էին մինչև 83-րդ րոպեն, սակայն Ռոդրիի գոլի շնորհիվ բաց թողեցին հաղթանակը։
«Ես ուրախ եմ։ Ես խաղացողներին ասացի, որ շատ հպարտ եմ: Վերջին երեք հանդիպումներում մենք շատ լավ վերաբերմունք ցուցաբերեցինք։ Ահա թե ինչպես ենք մենք ցանկանում կառուցել մեր թիմը։ Այսօր լավ առիթ էր ցույց տալու, որ ճիշտ ուղղությամբ ենք գնում։
Առաջին խաղակեսն իսկապես լավն էր: Մենք թույլ տվեցինք միայն մեկ հնարավորություն ստեղծել «Մանչեսթեր Սիթին», իմ կարծիքով, աշխարհի լավագույն թիմը։
Երկրորդ խաղակեսում մեզ ստիպեցին ավելի խորը խաղալ, բայց մենք հնարավորություններ ստեղծեցինք երկրորդ գոլը խփելու համար։ Ամեն ինչ կարող էր այլ կերպ լինել,- Պոչետինոյի խոսքերն է մեջբերում BBC-ն։
«Մանչեսթեր Սիթին» (53 միավոր) Պրեմիեր լիգայում երրորդն է։ Պեպ Գվարդիոլայի թիմն ավարտեց 11-խաղյա հաղթական շարանը բոլոր մրցաշարերում։
«Չելսին» (35) բարձրացել է մրցաշարային աղյուսակի տասներորդ հորիզոնական։
