«Մանչեսթեր Յունայթեդի» նախկին դարպասապահ Դավիդ դե Խեան, ով 2023 թվականի ամառից հանդես է գալիս ազատ գործակալի կարգավիճակում, հայտնել է իր հաստատակամ մտադրությունը՝ շարունակել կարիերան Իսպանիայում։ Այս մասին հայտնում է The Sun-ը։
Աղբյուրի համաձայն՝ 33-ամյա դարպասապահը չի դիտարկի առաջարկներ այլ առաջնություններից, այդ թվում՝ Պրեմիեր Լիգայից և Սաուդյան Արաբիայի Պրո լիգայից։
Հիշեցնենք, որ ավելի վաղ ԶԼՄ-ները հայտնել էին, որ Դե Խեան մոտ է «Նյուքասլի» հետ պայմանագիր կնքելուն։
