«Ֆիորենտինայի» հարձակվող Անդրեա Բելոտին Իտալիայի առաջնության 21-րդ տուրի «Բոլոնիայի» հետ հետաձգված հանդիպման համար ընդգրկվել է թիմի մեկնարկային կազմում։ Նա դարձավ մրցաշարի պատմության մեջ երկրորդ խաղացողը, ով հասել է նման նվաճման։
Նախկինում Բելոտին, ով «Ֆիորենտինայում» հանդես է գալիս վարձավճարով, «գայլերի» կազմում 21-րդ տուրում խաղացել է «Վերոնայի» հետ (2:1)՝ խաղադաշտ դուրս գալով 81-րդ րոպեին։ Հունվարի վերջին հայտնի դարձավ նրա՝ մինչև մրցաշրջանի ավարտ վարձավճարով «Ֆիորենտինա» տեղափոխության մասին։
Առաջին խաղացողը, ով երկու անգամ խաղացել է Ա Սերիայի մեկ տուրում, եղել է «Ֆիորենտինայի» նախկին խաղացող Վալենտին Էյսսերիկն, ով տեղափոխվել է «Վերոնա» 2019 թվականի ձմեռային տրանսֆերային պատուհանի ժամանակ։ Բելոտին դարձավ նաև առաջին իտալացին, ով նման նվաճման է հասել մրցաշարում։
Ընթացիկ Ա Սերիայում Բելոտին երկու հանդիպում է անցկացրել «Ֆիորենտինայի» կազմում՝ դառնալով մեկ գոլի հեղինակ։ Այս մրցաշրջանի սկզբում Բելոտին «Ռոմայի» կազմում անցկացրել է 14 հանդիպում՝ դառնալով 3 գոլի և 2 գոլային փոխանցման հեղինակ:
