«Պարի Սեն Ժերմենի» նախագահ Նասեր ալ-Խելաիֆին հինգշաբթի օրը ՈւԵՖԱ-ի գործադիր կոմիտեի նիստից հետո հայտարարեց, որ ակումբը կլքի Պարկ դե Պրենսը։
Ինչպես հայտնում է L’Equipe-ը, ակումբի ղեկավարը խոսել է այն բանից հետո, երբ Փարիզի խորհուրդը քվեարկել է հաստատելու, որ մարզադաշտը վաճառքի չի հանվի՝ չնայած լուծում գտնելու համար 8 տարվա բանակցություններին:
Նասեր ալ-Խելաիֆին այժմ մտադիր է դիտարկել առկա բոլոր տարբերակները՝ հնարավորինս արագ Փարիզում նոր մարզադաշտ կառուցելու համար։
