«Բարսելոնայի» մարզական տնօրեն Դեկուն կիսվել է Չավիի՝ մրցաշրջանի ավարտից հետո գլխավոր մարզչի պաշտոնը լքելու իր տպավորություններով։
«Ես չէի սպասում Չավիի հայտարարությանը։ Ես օր օրի աշխատում էի նրա հետ, և մենք ծրագրում էինք մի քանի շաբաթվա ընթացքում ստորագրել Վիտոր Ռոկեի հետ պայմանագրի նման պայմանագրեր, ինչպես նաև որոշել, թե արդյոք հունվարին պետք է պայմանագիր կնքենք Բալդեի վնասվածքի պատճառով»,- Դեկուի խոսքերն է մեջբերում La Vanguardia-ը։
Չավին հայտարարել է «Բարսելոնայից» հեռանալու մասին մրցաշրջանի վերջում Լա լիգայի 22-րդ տուրում «Վիլյառեալից» կրած պարտությունից հետո (3-5): Նա ակումբը գլխավորում է 2021 թվականի աշնանից։ Թիմը 50 միավորով 3-րդ տեղում է Իսպանիայի առաջնության մրցաշարային աղյուսակում։
