«Բավարիայի» վինգեր Լերոյ Սանեն շուտով կքննարկի ակումբի հետ նոր պայմանագրի հարցը։

Վերջին տեղեկությունների համաձայն՝ 28-ամյա ֆուտբոլիստը չի շտապում բանակցությունների մեջ մտնել մյունխենցիների ղեկավարության հետ, սակայն իրավիճակը կարող է փոխվել։ Ինչպես հաղորդում է Sky Sport-ը, նոր գործակալները մոտակա շաբաթների ընթացքում երկխոսություն են ծրագրել «Բավարիայի» հետ: Նշվում է նաև, որ ֆուտբոլիստի ներկայացուցիչները հիանալի հարաբերությունների մեջ են ակումբի հետ։

Գերմանացին հետաքրքրված է «Բավարիայի» հետ երկարաժամկետ համագործակցությամբ, սակայն դեռ չի բացառում ապագայում հնարավոր վերադարձը Անգլիա: Լերոյ Սանեի գործող պայմանագիրը նախատեսված է մինչև 2025 թվականը: Այս մրցաշրջանում անցկացրած 27 խաղում ֆուտբոլիստը դարձել է 9 գոլի և 11 գոլային փոխանցման հեղինակ: