«Լիվերպուլը» լուրջ հետաքրքրություն է ցուցաբերում «Ռեալ Սոսյեդադի» 22-ամյա վինգեր Տակեֆուսա Կուբոյին ձեռք բերելու հարցում։ Այս մասին հայտնում է Relevo-ն։
Աղբյուրի փոխանցմամբ՝ դեռ ձմեռային տրանսֆերային պատուհանի բացումից առաջ անգլիական ակումբը կապ է հաստատել «Ռեալ Սոսյեդադի» հետ՝ հնարավոր տրանսֆերի մանրամասները պարզելու համար։ Սակայն ինքը հրաժարվել է «Լիվերպուլ» տեղափոխվելու առաջարկից, քանի որ մտադիր է մինչև այս մրցաշրջանի ավարտը մնալ իսպանական թիմում։ Ընդգծվում է, որ մերսիսայդցիները չեն կորցրել Կուբոյի նկատմամբ հետաքրքրությունը և առաջիկա ամռանը կրկին կփորձեն ձեռք բերել նրան։
Հիշեցնենք, որ այս մրցաշրջանում Կուբոն բոլոր մրցաշարերում մասնակցել է 25 հանդիպման, որոնցում դարձել է վեց գոլի և չորս գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 60 միլիոն եվրո:
