«Ինտերի» գլխավոր մարզիչ Սիմոնե Ինձագին միլանյան թիմի մարզչական ռեկորդ է սահմանել։
Ինչպես հաղորդում է Opta Paolo-ն սոցիալական ցանցերում, Ինձագին դարձավ «Ինտերի» ռեկորդակիրը մարզիչների թվում Իտալիայի Սուպերգավաթի եզրափակիչներում հաղթելու համար՝ հինգ (1929/1930 մրցաշրջանից սկսած): Միլանցիների մարզիչն այս ցուցանիշով գերազանցել է Հելենիո Հերերային ու Ռոբերտո Մանչինիին, ովքեր թիմի հետ չորս եզրափակիչ են հաղթել։
Հիշեցնենք, որ ավարտվել է Իտալիայի Սուպերգավաթի եզրափակիչ հանդիպումը, որում հանդիպեցին «Նապոլին» ու Միլանի «Ինտերը»։ Թիմերը խաղացել են «Ալ Ավալ Պարկ» մարզադաշտում (Ռիադ, Սաուդյան Արաբիա): Խաղը սպասարկում էր մրցավարական թիմը՝ Անտոնիո Ռապուանոյի (Իտալիա) գլխավորությամբ։ «Ինտերը» 1-0 հաշվով հաղթեց «Նապոլիին»։
