«Լիվերպուլի» գլխավոր մարզիչ Յուրգեն Կլոպը խոսել է Անգլիայի գավաթի 1/32-րդ եզրափակչի հանդիպման մասին, որում նրա թիմը հանդիպելու է Լոնդոնի «Արսենալին»։
«Մեր բոլոր ֆուտբոլիստները պատրաստ են այս հանդիպմանը, դրանում կասկած չկա: Մենք ներկայացնում ենք «Լիվերպուլը» և չենք կարող անլուրջ մոտենալ այս հանդիպմանը։
Այս խաղից երեք օր հետո կլինի ևս մեկ խաղ, թեև մենք նոր ենք ավարտել այն շրջանը, որտեղ 13 օրվա ընթացքում հինգ հանդիպում ենք անցկացրել, և ոչ ոք մեզ չի հարցնում. «Ինչպե՞ս ես քեզ զգում»: Պարզապես պետք է գնանք մինչև վերջ և պետք է հաղթենք։
Հիմա մենք երեք օրում երկու խաղ ունենք, և դա կարծես թե՝ «Ուրեմն, ո՞րն է խնդիրը»: Սա մեր կյանքն է, սա ֆուտբոլիստների կյանքն է։ Ռիթմը կարևոր բան է։ Այնպես որ, «Արսենալի» հետ խաղում մենք կանցկացնենք ոլ-ին և կտեսնենք, թե ինչ կլինի»,- Կլոպի խոսքը մեջբերում է թիմի պաշտոնական կայքը։
