Կիրակի օրը «Ասթոն Վիլան» ուրախացրել է իր երկրպագուներին «Բրենթֆորդի» նկատմամբ արտագնա հաղթանակով 2։1 հաշվով։ Լրագրող Ֆաբրիցիո Ռոմանոն սոցիալական ցանցերում նշում է այն փաստը, որ 2023 թվականին «վիլանցիները» հաղթել են Պրեմիեր Լիգայի 25 խաղում՝ սա թիմի լավագույն արդյունքն է իր ողջ պատմության ընթացքում։

Նշվում է, որ 2023 թվականին «Ասթոն Վիլան» Պրեմիեր Լիգայում վաստակել է 81 միավոր։ Անգլիայի առաջնությունում այս օրացուցային տարում ավելի շատ միավոր է վաստակել միայն «Մանչեսթեր Սիթին»։

Ներկայումս «Ասթոն Վիլան» Անգլիայի առաջնության մրցաշարային աղյուսակի երկրորդ տեղում է։