Մադրիդի «Ռեալի» գլխավոր մարզիչ Կառլո Անչելոտտին պատասխանել է ակումբում իր ապագայի և ՊՍԺ-ի հարձակվող Կիլիան Մբապպեի հնարավոր տեղափոխության մասին հարցին։
«Ես չեմ մեկնաբանի Մբապպեի մասին տեղեկությունները, այն մասին, թե ինչ է լինելու ակումբում։ Նույնը վերաբերում է իմ ապագային»,- Անչելոտտիի խոսքերը սոցցանցերում մեջբերում է լրագրող Ֆաբրիցիո Ռոմանոն։
Այս պահին ստույգ տեղեկություն չկա, թե որտեղ կշարունակի Անչելոտտին իր մարզչական գործունեությունը գալիք ամառ Մադրիդի «Ռեալի» հետ պայմանագրի ավարտից հետո։ Ավելի վաղ ԶԼՄ-ներում տեղեկություն էր հայտնվել, որ նա կարող է երկարաձգել գործող պայմանագիրը «Լոս Բլանկոսի» հետ կամ գլխավորել Բրազիլիայի հավաքականը։
