«Լիվերպուլի» նախկին պաշտպան Ջեյմի Կարագերը կարծում է, որ մերսիսայդյան ակումբի գլխավոր մարզիչը միշտ մեծ ուժ ունի: Թիմը ներկայումս գլխավորում է Յուրգեն Կլոպը։
«Երբ «Լիվերպուլը» հաջողությունների է հասնում, դա միշտ կախված է մարզիչից։ Այս պահին դա Կլոպն է: Կարծում եմ, որ Կլոպը հսկայական ուժ ունի», – Կարագերի խոսքերն է մեջբերում Liverpool Echo-ն։
Պրեմիեր լիգայի 15 տուրից հետո «Լիվերպուլը» 34 միավորով զբաղեցնում է մրցաշարային աղյուսակի երկրորդ տեղը։
