Հայաստանի հավաքականի և «Լոկոմոտիվի» պաշտպան Նաիր Թիկնիզյանը խոսել է ուկրաինացի մարզիչ Ալեքսանդր Պետրակովի գլխավորությամբ ազգային հավաքականում իր ելույթների մասին։
«Ոչ մի խնդիր չի եղել։ Մենք առաջին հերթին ֆուտբոլիստներ ենք, իսկ ես Հայաստանի քաղաքացի եմ։ Նա մարզիչ է, ես՝ ֆուտբոլիստ, և մենք միասին աշխատում ենք՝ կապված մեկ նպատակի հետ։ Հենց առաջին օրը նա ուրվագծեց իր պահանջները, պատմեց, թե ինչ է ուզում տեսնել թիմից և ինչ նպատակներ են դրված։ Ամեն ինչ չափազանց պարզ էր, ճշգրիտ և հասկանալի։ Խնդիրներ չեն եղել»,- Թիկնիզյանի խոսքերն է մեջբերում Metaratings.ru-ը։
Նաիր Թիկնիզյանը Հայաստանի ազգային հավաքականում հանդես է գալիս 2023 թվականի մարտից։ Հայաստանի հավաքականի կազմում նա մասնակցել է 10 հանդիպման և դարձել մեկ գոլի հեղինակ։
