Նոր մանրամասներ են հայտնի դարձել Մադրիդի «Ռեալի» գլխավոր մարզիչ Կառլո Անչելոտտիի և Բրազիլիայի հավաքականի միջև պայմանավորվածության մասին։

Ինչպես հայտնում է The Athletic-ը, Բրազիլիայի ֆուտբոլի կոնֆեդերացիան փաստացի իրավական երաշխիքներ է ստացել իտալացի մասնագետի տրանսֆերի համար։

Բրազիլիայի երկարամյա հետաքրքրությունը մնում է անփոփոխ, և CBF-ի նախագահ Էդնալդո Ռոդրիգեսը մի քանի անգամ խոսել է Անչելոտտիի հանդեպ իր հիացմունքի մասին: Ավելին, նա հաստատել է, որ իտալացին ամռանը պետք է գլխավորի Բրազիլիայի հավաքականը, և նույնիսկ ժամանակավոր մարզիչ նշանակեց Ֆերնանդո Դինիզին։

Սակայն նշվում է, որ գործող գրավոր համաձայնագիրը պարտադիր չէ։ Անչելոտտին իրավունք ունի մնալ «Ռեալի» ղեկին, եթե համաձայնության գա նրանց հետ, ինչի մասին արդեն գրել են իսպանական լրատվամիջոցները։