Լիոնել Մեսսին և Կրիշտիանու Ռոնալդուն կրկին կհանդիպեն խաղադաշտում միմյանց դեմ։ Արգենտինացին և պորտուգալացին, ովքեր իրենց կարիերայի մեծ մասում կատաղի մրցակիցներ են եղել, ևս մեկ անգամ էլ կխաղան միմյանց դեմ։
Մեսսիի «Ինտեր Մայամին» 2024 թվականի փետրվարին կհանդիպի Ռոնալդուի «Ալ Նասրի» հետ Ռիադում կայանալիք մրցաշրջանի գավաթի ընկերական մրցաշարում։
Առաջիկա հանդիպումն արդեն ստացել է «Վերջին պարը» ոչ պաշտոնական անվանումը, որը ներկայացնում է լեգենդար հարձակվողների կարիերայի անկումը։
38-ամյա պորտուգալացին 2023 թվականի սկզբից հանդես է գալիս «Ալ Նասրում»։ Այս մրցաշրջանում նա թիմի կազմում անցկացրել է 17 հանդիպում, դարձել 16 գոլի և 9 գոլային փոխանցման հեղինակ։
36-ամյա Մեսսին «Ինտերի» կազմում անցկացրած 14 խաղում դարձել է 11 գոլի և 5 գոլային փոխանցման հեղինակ։ Նա MLS-ի թիմ է տեղափոխվել այս ամառ։
