Հինգշաբթի երեկոյան Հունգարիայի հավաքականը ոչ-ոքի է խաղացել Բուլղարիայի հետ (2:2): Հունգարիայի հավաքականը վաստակած միավորով ապահովեց իր տեղը Եվրոպայի առաջնությունում։ Հունգարիայի հավաքականը դարձավ մայրցամաքային մրցաշարի տասներորդ մասնակիցը։

Եվրո-2024-ի մասնակիցների ցուցակն այս պահին ունի հետևյալ տեսքը՝ Գերմանիա (տանտեր), Բելգիա, Ֆրանսիա, Պորտուգալիա, Իսպանիա, Շոտլանդիա, Թուրքիա, Ավստրիա, Անգլիա, Հունգարիա:

Եվրոպայի առաջնությունը կանցկացվի հունիս-հուլիս ամիսներին։ Ներկայիս գավաթակիրը Իտալիայի հավաքականն է, որը Եվրո-2020-ի եզրափակիչում 11 մետրանոց հարվածաշարում հաղթեց Անգլիային։