Սըր Ջիմ Ռեդքլիֆը տեսանելի ապագայում կգնի «Մանչեսթեր Յունայթեդի» բաժնետոմսերը: Սրանից հետո ակումբում արմատական բարեփոխումներ են սպասվում։
Ինչպես հայտնի է դարձել The Telegraph-ին, բարեփոխումներին ակտիվորեն կմասնակցի լեգենդար սըր Ալեքս Ֆերգյուսոնը, ով ղեկավար պաշտոն կստանա։ Աղբյուրի փոխանցմամբ՝ Ռեդքլիֆը ծրագրում է դիմել Ֆերգյուսոնի օգնությանը շատ հարցերում։
Նշվում է, որ Ֆերգյուսոնը կարող է խորհուրդ տալ «Մանչեսթեր Յունայթեդին» ֆուտբոլային տնօրեն նշանակել Դուգի Ֆրիդմանին։ Լեգենդար մարզիչը շատ մտերիմ է այս պաշտոնյայի հետ, ով այժմ աշխատում է «Քրիսթալ Փելասում»։
Ալեքս Ֆերգյուսոնը հրաժարական տվեց «Մանչեսթեր Յունայթեդի» գլխավոր մարզչի պաշտոնից 2013 թվականին։ Այդ ժամանակից ի վեր «կարմիր սատանաները» երբեք չեն հաղթել Պրեմիեր Լիգան:
