Պրեմիեր Լիգայի 12-րդ տուրի՝ «Բրենթֆորդի» հետ խաղում (3:0) դուբլի հեղինակ դառնալով՝ «Լիվերպուլի» հարձակվող Մոհամեդ Սալահը խփեց իր 200-րդ գոլը անգլիական թիմերի մարզաշապիկներով։

31-ամյա հարձակվողը «Լիվերպուլի» կազմում 198 գոլ է խփել, իսկ «Չելսիի»՝ երկու գոլ։

Մերսիսայդցիների կազմում եգիպտացին անցկացրել է 322 հանդիպում՝ հաշվի առնելով բոլոր մրցաշարերը։ Սալահը խփեց Պրեմիեր Լիգայում (147 գոլ), եվրագավաթների մրցաշարերում (44 գոլ), Անգլիայի գավաթում (հինգ), Լիգայի գավաթում (մեկ) և ներքին Սուպերգավաթում (մեկ): «Չելսիի» կազմում անցկացրած 19 խաղում Սալահը երկու գոլ է խփել, երկուսն էլ Պրեմիեր Լիգայում։