«Միլանի» նախկին հարձակվող Զլատան Իբրահիմովիչը շուտով կարող է վերադառնալ ակումբ։

Շվեդը հայտարարեց իր կարիերան ավարտելու մասին նախորդ մրցաշրջանի վերջում։ Վերջերս լրատվամիջոցներում տեղեկություններ հայտնվեցին 42-ամյա նախկին հարձակվողի հնարավոր վերադարձի մասին, որն այժմ հաստատում է ինսայդեր Նիկոլո Շկիրան։ Աղբյուրի տեղեկություններով՝ Իբրահիմովիչը մեկ քայլ է հեռու «Միլանի» ղեկավար պաշտոններից մեկը ստանալուց։

Հիշեցնենք, որ Զլատանը «ռոսոներիների» կազմում հանդես է եկել 2020 թվականի հունվարից և նախկինում ներկայացրել է թիմի գույները 2010-ից 2012 թվականներին։ Ընդհանուր առմամբ, Իբրահիմովիչը «Միլանի» կազմում անցկացրած 163 խաղում խփել է 93 գոլ և կատարել 35 գոլային փոխանցում։