«Չելսիի» գլխավոր մարզիչ Մաուրիսիո Պոչետինոն կիսվել է իր մտքերով ԱՊԼ-ի 11-րդ տուրի՝ իր նախկին թիմի՝ «Թոթենհեմի» դեմ խաղի մասին։
Արգենտինացի մասնագետի խոսքով՝ «Թոթենհեմը», որտեղ նա աշխատել է հինգ տարի, չի փորձել հետ բերել իրեն։ Այդ իսկ պատճառով Պոչետինոն անցյալ ամառ ընդունեց «Չելսիի» առաջարկը։
«Սա դավաճանությո՞ւն է։ Եթե հիշում եք, ես խոստացել էի, որ «Էսպանյոլի» պատճառով երբեք չեմ գլխավորի «Բարսելոնան» կամ, օրինակ, «Արսենալը»: Այնպես որ, ոչ, ես այդպես չեմ կարծում»,- նշել է Պոչետինոն իր մամուլի ասուլիսում։
Պոչետինոն նաև նշել է, որ ուրախ կլինի վերադառնալ «Թոթենհեմի» տնային մարզադաշտ։
