Անգլիայի ֆուտբոլային ասոցիացիան (FA) խորհուրդ է տվել ակումբներին արգելել խաղացողներին օգտագործել «գետից ծով» արտահայտությունը, հայտնում է BBC-ն։
Որոշումը կայացվել է այն բանից հետո, երբ «Լեսթերի» ֆուտբոլիստ Համզա Չուդհուրին օգտագործել է այս արտահայտությունը սոցցանցերում, ինչը հետագայում ներողություն խնդրելու անհրաժեշտության պատճառ է դարձել:
Ֆուտբոլիստը հայտնել է, որ «ցավոք, իրեն սխալ են մեկնաբանել», և իր իրական նպատակը եղել է կարեկցանք ցուցաբերել անմեղ մարդկանց նկատմամբ։
Փաստն այն է, որ այս արտահայտությունն ընկալվում է որպես պաղեստինյան պետության ստեղծման և Իսրայելի ոչնչացման կոչ։
Անգլիայի ֆուտբոլային ասոցիացիան կդիմի ոստիկանություն, եթե նմանատիպ միջադեպ կրկնվի։
