Իտալիայի առաջնության հաջորդ հանդիպման նախօրեին, որում «Միլանը» կմրցի «Ուդինեզեի» հետ, ակումբի գլխավոր մարզիչ Ստեֆանո Պիոլին պատասխանել է Զլատան Իբրահիմովիչի կերպարով մարզչական շտաբի հնարավոր ուժեղացման մասին հարցերին։
«Եթե ակումբը և Իբրահիմովիչը որոշեն վերսկսել համագործակցությունը, ապա կարող եմ ասել բարի գալուստ։ Բոլորդ գիտեք, որ ես նրան շատ եմ հարգում։ Դա ինձ համար խնդիր չի լինի»,- Պիոլիի խոսքը մեջբերում է իտալական ITASportPress-ը։
«Ուդինեզեի» հետ հանդիպումը կկայանա շաբաթ օրը՝ նոյեմբերի 4-ին։
