Խորվաթիայի հավաքականի նախկին մարզիչ Սլավեն Բիլիչը կիսվել է Լուկա Մոդրիչի հաջողության մասին իր մտքերով։
«Մոդրիչի շնորհիվ Խորվաթիան ավելի մեծ երկիր է դարձել։ Խորվաթ տղայի համար ֆուտբոլում համաշխարհային հռչակ ձեռք բերելը շատ ավելի դժվար է, քան անգլիացու համար։ Սա հիանալի է մեր երկրի համար, Մոդրիչը օրինակ է դարձել ապագա սերունդների համար։
Ես պատիվ եմ ունեցել լինել նրա մարզիչը։ Մենք հավատում էինք նրան հենց սկզբից»,- մասնագետի խոսքերը մեջբերում է The Athletic-ը։
Մադրիդի «Ռեալի» կիսապաշտպանը հաջողության է հասել ոչ միայն ակումբային մակարդակում, այլ նաև իր երկրի հավաքականում՝ դառնալով աշխարհի վերջին երկու առաջնությունների արծաթե և բրոնզե մեդալակիր։
