«Ֆեյենորդի» հարձակվող Սանտյագո Խիմենեսը հայտնվել է «Բարսելոնայի» ուշադրության կենտրոնում, հայտնում է ESPN-ը։

Աղբյուրի համաձայն՝ «Բարսելոնան» տպավորված է 22-ամյա մեքսիկացու արագ ադապտացմամբ եվրոպական ֆուտբոլին: Սպասվում է, որ «Ֆեյենորդը» մեծ գումար կպահանջի հարձակվողի տրանսֆերի համար։

Խիմենեսը հոլանդական ակումբ է տեղափոխվել մեքսիկական «Կրուս Ազուլից» անցած ամառ։ Այս մրցաշրջանում հարձակվողը բոլոր մրցաշարերում անցկացրել է 12 հանդիպում, դարձել 15 գոլի և 3 գոլային փոխանցման հեղինակ։ Transfermarkt-ը նրա արժեքը գնահատում է 40 միլիոն եվրո։