Բրազիլացի լեգենդար նախկին ֆուտբոլիստ Ռոմարիոն չի ցանկանում Կառլո Անչելոտտիին տեսնել իր երկրի ազգային հավաքականի ղեկին։
Մադրիդի «Ռեալի» ներկայիս ղեկը կարող է փոխարինել Ֆերնանդո Դինիզին «պենտակամպեոնների» մարզչի պաշտոնում արդեն հունիսին։ Նախկինում նշվում էր, որ իտալացի մասնագետն արդեն համաձայնության է եկել Բրազիլիայի ֆուտբոլի ֆեդերացիայի հետ, սակայն այս տեղեկությունը պաշտոնապես չէր հաստատվել։
«Արդյո՞ք Անչելոտտին Բրազիլիայի հավաքականի մարզիչն է: Ես չեմ ուզում նրան տեսնել այս պաշտոնում: Ցանկանում եմ, որ Դինիզը լինի»,- Ռոմարիոյի խոսքերն են մեջբերում իսպանական լրատվամիջոցները:
