«Մանչեսթեր Սիթիի» ղեկավար Պեպ Գվարդիոլան խոսել է «Ոսկե Գնդակի» մասին։ Մրցանակի գլխավոր հավակնորդներն են արգենտինացի Լիոնել Մեսսին և նորվեգացի Էրլինգ Հալանդը։
«Ես մտածում եմ, որ այն պետք է տալ և՛ Լեոյին, և՛ Էրլինգին։ Եթե Մեսսին նվաճի «Ոսկե գնդակը», ապա դա արդարացի հաջողություն կլինի նրա՝ Աշխարհի առաջնությունում հաղթանակի համար: Եթե մրցանակը տրվի Հոլանդին, ապա դա արդարացի կլինի նրա անցկացրած մրցաշրջանի համար։ Այս տարի երկու հաղթող կա։ Երկուսն էլ արժանի են դրան»,- մարզիչի խոսքերն է փոխանցում ESPN-ը:
Հիշեցնենք, որ «Ոսկե Գնդակի» հանձնման հանդիսավոր արարողությունը տեղի կունենա այսօր՝ հոկտեմբերի 30-ին։
