«Լիվերպուլը» հաղթեց առաջնության հերթական տուրում, Յուրգեն Կլոպի սաները երեք գոլ խփեցին «Նոթինգհեմ Ֆորեսթի» դարպասը։ Թիմի մարզիչը մեկնաբանել է հանդիպման արդյունքը՝ նշելով, որ իր թիմին օգնել են մրցակցի ճամբարում կադրային խնդիրները։
«Մենք լավ հանդիպում անցկացրինք մրցակցի դեմ, որը պետք է դժվարացներ մեր խաղը։ Բայց ես վստահ եմ, որ երբ իմ գործընկեր Սթիվ Կուպերն իմացավ, որ չի կարող հույսը դնել Քրիս Վուդի վրա, շատ վրդովվեց։ Եթե նա խաղար, ամեն ինչ մեզ համար ավելի դժվար կլիներ, վստահ եմ»,- Կլոպի խոսքը մեջբերում է BBC Sport-ը։
Առաջնության հաջորդ տուրում «Լիվերպուլը» կխաղա «Լյուտոն Թաունի» հետ։
