Մադրիդի «Ռեալի» կիսապաշտպան Ջուդ Բելինգհեմը կիսվել է իր կարծիքով այս մրցաշրջանում իր խաղի մասին։
«Ես հիմա գերազանց մարզավիճակում եմ։ Ես շատ ուրախ եմ այս կապակցությամբ: Ես պարզապես դուրս եմ գալիս խաղադաշտ և վայելում ֆուտբոլը: Մի փոքր զարմացած եմ, որ արդեն 11 գոլ եմ խփել։ Սա օգնում է թիմին և ինձ ավելի երջանիկ դարձնում»,- անգլիացի կիսապաշտպանի խոսքերն է փոխանցում TVE-ն։
Մադրիդի «Ռեալը» Բելինգհեմին ձեռք բերեց Դորտմունդի «Բորուսիայից» վերջին տրանսֆերային պատուհանի ժամանակ։ Գործարքի գումարը կազմել է 103 մլն եվրո։ Կողմերը կնքել են վեց տարվա պայմանագիր։
Այս մրցաշրջանում Բելինգհեմը անցկացրել է 12 հանդիպում, խփել 11 գոլ և կատարել երեք գոլային փոխանցում։
