Արգենտինայի հավաքականի և «Մանչեսթեր Սիթիի» հարձակվող Խուլիան Ալվարեսը կարող է տեղափոխվել Իսպանիա, որտեղ նրա նկատմամբ հետաքրքրություն են ցուցաբերում Մադրիդի «Ռեալն» ու «Բարսելոնան»։
«Սիթիի» ղեկավարները տեղյակ են արգենտինացու նկատմամբ հետաքրքրության մասին և պատրաստ են վաճառել նրան որոշակի չափի փոխհատուցման դիմաց։ Պրեմիեր Լիգայի չեմպիոնը ցանկանում է Ալվարեսի տրանսֆերից վաստակել առնվազն 92 միլիոն եվրո։
Այս մրցաշրջանում հարձակվողը մասնակցել է անգլիական թիմի 15 հանդիպման՝ դառնալով յոթ գոլի և 5 գոլային փոխանցման հեղինակ։
