«Ունիոն Բեռլինի» պաշտպան Լեոնարդո Բոնուչին մեկնաբանել է թիմի գլխավոր մարզիչ Ուրս Ֆիշերի հետ կոնֆլիկտի մասին լուրերը։
«Ես նրա հետ ամեն օր շփվում եմ, այստեղ ինձ լավ են ընդունել։ Մենք միասին ելք ենք փնտրում այս իրավիճակից։ Իհարկե, ցանկանում եմ որքան հնարավոր է շատ խաղալ, բայց յուրաքանչյուր մարդ պետք է բոլոր ջանքերը գործադրի թիմի շահերը պաշտպանելու համար»,- պաշտպանի խոսքերն է մեջբերում Sport.es-ը։
Ավելի վաղ հաղորդվում էր, որ խաղացողը զայրացել է Չեմպիոնների Լիգայի «Նապոլիի» հետ հանդիպմանը (0-1) չմասնակցելու համար և խնդրել է գլխավոր մարզչին բացատրել որոշումը։
