«Արսենալը» շարունակում է հետաքրքրվել «Աստոն Վիլայի» կիսապաշտպան Դուգլաս Լուիսի ծառայություններով։
90min-ը իր էջերում խոսում է այս մասին։ Նշվում է, որ լոնդոնյան ակումբը հնարավորություններ է փնտրում ձմեռային տրանսֆերային պատուհանում թիմն ուժեղացնելու համար եւ ուսումնասիրում է տարբեր հնարավորություններ։
Դուգլաս Լուիսը «Աստոն Վիլայում» հանդես է գալիս 2019 թվականի հուլիսից։ Դրանից հետո բրազիլացին 165 պաշտոնական հանդիպում է անցկացրել բիրմինգհեմյան ակումբի կազմում։ Դրանցում Լուիսը 18 գոլ և 14 գոլային փոխանցում է կատարել իր գործընկերների համար: Transfermarkt հեղինակավոր պորտալի մասնագետները 25-ամյա Դուգլաս Լուիսին գնահատում են 55 միլիոն եվրո։
