«Յուվենտուսը» հետաքրքրված է «Պարի Սեն Ժերմենի» կիսապաշտպան Ֆաբիան Ռուիսի ծառայություններով, սակայն գործարքն ավարտին հասցնելը հեշտ չի լինի:
Իսպանացին հազվադեպ է հայտնվում փարիզցիների մեկնարկային կազմում, ինչը կարող է մոտ ապագայում նրա հեռանալու պատճառ դառնալ։ Ըստ վերջին տեղեկությունների՝ Ռուիսը հայտնվել է «Յուվենտուսի» թիրախում, որը հունվարին դիտարկում է կիսապաշտպանի վարձակալության պայմանագիրը:
Ինչպես հայտնում է TuttoSport-ը, Լիգա 1-ի ակումբը պատրաստ է բաց թողնել 27-ամյա ֆուտբոլիստին, սակայն նրա աշխատավարձը չափազանց բարձր է «ծեր սինյորայի» համար։
«Նապոլիի» նախկին ֆուտբոլիստի հետ պայմանագիր կնքելու տարբերակը հեռու է թուրինյան թիմի մարզական տնօրեն Կրիշտիանու Ջյունտոլիի համար առաջնահերթ տարբերակից։
