Նորվեգիայի հավաքականի կիսապաշտպան Մարտին Էդեգորը խոսել է իր ազգային թիմակից Էրլինգ Հոլանդի խաղի մասին։
«Թիմի ուժը միայն երկուսիս մեջ չէ։ Ճիշտ է, Հոլանդը լավագույնն է աշխարհում, բայց Նորվեգիայում այլ ֆուտբոլիստներ կան: Մենք 11 հոգի ենք, և մենք բոլորս փորձում ենք նպաստել, որ թիմը զարգանա և հասնի իր նպատակներին: Այո, մենք գիտենք, թե ով է Հոլանդը, բայց յուրաքանչյուրն ինչ-որ բան ունի տալու թիմի խաղին: Մենք խաղում ենք որպես միասնական մեխանիզմ։
Դեռ բոլոր հնարավորությունները կորած չեն։ Մենք սխալներ թույլ տվեցինք, որոնց համար խստորեն պատժվեցինք։ Մենք պետք է սովորենք, և դա գալիս է փորձի հետ:
Մենք պետք է ավելի համառ դառնանք։ Երբ խաղում էինք Իսպանիայի դեմ, հասկանում էինք, որ ցանկացած սխալի համար հեշտությամբ կարող ենք պատժվել։ Բայց դրա դիմաց մենք կարող ենք պատժել մեր մրցակիցներին»,- Էդեգորի խոսքերն է մեջբերում Marca-ն։
