«Ալ-Նասրի» գործադիր տնօրեն Մարսելո Սալազարը խոսել է Սադիո Մանեի տեղափոխության մասին.
– «Բավարիան» երախտապարտ է ձեզ այն բանի համար, որ ամռանը մոտ 30 միլիոն եվրոյով գնեցիք Մանեին, քանի որ նրա տրանսֆերը ձախողված էին համարում: Ինչու՞ այդքան վճարեցիք:
-Նախ, այդ գումարները միշտ չէ, որ համապատասխանում են իրականությանը։ Ես դրանք չեմ քննարկի: Մենք շատ ուրախ ենք, որ Սադիոն մեզ հետ է, բայց այն, ինչ մտածում է «Բավարիան», իմ մտածելունը չէ։
Բայց Մանեն համաշխարհային մակարդակի աստղ է, ֆանտաստիկ, տաղանդավոր ֆուտբոլիստ: Եթե «Բավարիայում» ինչ-որ բան չստացվեց, դրան պատճառներ կային: Հենց «Բավարիան» պետք է պարզի, թե ինչու Սադիոն չկարողացավ խաղալ իր լավագույն ֆուտբոլը: Բայց նաև ֆուտբոլիստը պետք է գնահատական տա։
– Ի՞նչ տպավորություն ունեք Մանեի մասին:
– Սկզբում թվում էր, թե նա այնքան էլ ուրախ չէ «Բավարիայից» հեռանալու համար։ Բայց հիմա նա երջանիկ է։ Առաջին օրը նա լայն ժպտաց, և այժմ մենք տեսնում ենք այս լայն ժպիտը ամեն օր և՛ մարզումների ժամանակ, և՛ խաղերի ժամանակ: Նա ընդունեց նոր մարտահրավերը, – նշել է Սալազարը TZ-ի լրագրող Ֆիլիպ Քեսլերին տված հարցազրույցում:
