Քաթարի շեյխ Ջասիմը, ով ցանկանում էր գնել «Մանչեսթեր Յունայթեդը», հրաժարվել է ֆուտբոլային ակումբը գնելու բանակցություններից։ Այս մասին հայտնում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Աղբյուրի համաձայն՝ Շեյխ Ջասիմը հետագա բանակցություններ է վարել Գլեյզեր ընտանիքի հետ՝ գնելու «Մանչեսթեր Յունայթեդի» 100%-ը, որում նա ներկայացրել է ամբողջությամբ կանխիկ հայտ՝ մարելով ակումբի բոլոր հին պարտքերը: Սակայն Շեյխ Ջասիմի առաջարկը կրկին մերժվել է Գլեյզերների ընտանիքի կողմից։ Արդյունքում Ջասիմը հայտնել է Գլեյզերներին, որ պատրաստ է հրաժարվել ակումբի ձեռքբերումից։ Ավելի ուշ Ջասիմի թիմը հաստատեց, որ դուրս է եկել «Մանչեսթեր Յունայթեդը» գնելու գործընթացից:
Հիշեցնենք, որ ավելի վաղ տեղեկություններ էին հայտնվել, որ «Մանչեսթեր Յունայթեդի» նախկին կիսապաշտպան Դևիդ Բեքհեմին առաջարկվել է դառնալ ակումբի դեսպան, եթե նրան ձեռք բերի Շեյխ Ջասիմը։ Անգլիայի նախկին ավագը «Մանչեսթեր Յունայթեդի» մի քանի լեգենդներից մեկն է, ում քաթարցիները ցանկանում էին հրավիրել նմանատիպ պաշտոնների:
