Հարձակվող Էնդրիկը ոչ տպավորիչ մրցաշրջան է անցկացնում «Պալմեյրասում»: Այնուամենայնիվ, հարձակվողի հետ կապված Մադրիդի «Ռեալի» ծրագրերը չեն փոխվել՝ բրազիլացին հաջորդ ամառ կտեղափոխվի Մադրիդ։
Նրա պայմանագիրը կսկսվի 18-ամյակի օրը (հուլիսի 21): Այս մասին իր էջերում հայտնում է AS հրատարակությունը։ Մադրիդի «Ռեալում» Էնդրիկը կկրի 9 համարը: Կարիմ Բենզեմայի՝ Սաուդյան Արաբիա մեկնելուց հետո այս խաղահամարը մադրիդյան ակումբում թափուր է մնում:
Իսպանիայի առաջնության 9 տուրից հետո «Ռեալը» գլխավորում է մրցաշարային աղյուսակը։ Կառլո Անչելոտտիի թիմը 27 հնարավորից վաստակել է 24 միավոր։
