Անգլիայի հավաքականի նախկին հարձակվող Ուեյն Ռունին բացատրել է «Բիրմինգհեմը» գլխավորելու իր որոշումը։
«Ակնհայտ է, որ ես գնացի ԱՄՆ փորձի և հետագա զարգացման համար, բայց երբ հնարավորություն եղավ միանալու «Բիրմինգհեմին», ես իսկապես ոգևորված էի դրանով: Ես ոգևորված և ուրախ էի, որ կրկին մարզվելու եմ Անգլիայում և անհամբեր սպասում եմ դրան: «Բիրմինգհեմը» հսկայական ակումբ է, և ես հստակ հասկանում եմ, թե որոնք են սեփականատերերի հավակնությունները և ինչպես է ակումբը ցանկանում առաջ շարժվել:
Սա հսկայական պատմություն է, որը կարող է իր հետքը թողնել ֆուտբոլում: Ցանկանում եմ լինել այս ֆուտբոլային ակումբին հաջողությունը վերադարձնելու փորձի մի մասը»,- Ռունիի խոսքերն է մեջբերում Goal-ը։
37-ամյա Ուեյն Ռունին մեծ ճանաչում ունի «Էվերթոնի» և «Մանչեսթեր Յունայթեդի» կազմում իր ելույթներով։ Անգլիացին մարզչական կարիերան սկսել է 2019 թվականին։
