«Յուվենտուսի» և Ֆրանսիայի հավաքականի կիսապաշտպան Ադրիեն Ռաբյոն իր կարծիքն է հայտնել «Ոսկե գնդակի» այս տարվա հավակնորդների մասին։
«Շատ եմ լսել, որ Մեսսին կնվաճի «Ոսկե գնդակը»։ Սակայն մարզական մակարդակում այն պետք է խաղան Կիլիան Մբապպեն և Էրլինգ Հոլանդը: Ամեն ինչ կախված է չափանիշներից, որոնց մասին երբեք մեկ կարծիք չկա։ Բայց այս երկուսից մեկը պետք է ստանա այն»,- ֆուտբոլիստի խոսքերն է մեջբերում RMC Sport-ը։
Ավելի վաղ ՊՍԺ-ի հարձակվող Կիլիան Մբապպեն հայտարարել էր, որ «Ոսկե գնդակի» քվեարկության ժամանակ իր ձայնը կտա Լիոնել Մեսսիին։
Հիշեցնենք, որ «Ոսկե գնդակի» հանձնման արարողությունը տեղի կունենա հոկտեմբերի 30-ին Փարիզում (Ֆրանսիա)։