Եվրոպական ֆուտբոլային ասոցիացիաների միությունը (ՈՒԵՖԱ) հերքել է մամուլում հայտնված տեղեկությունները եվրագավաթների ձևաչափի հնարավոր բարեփոխման մասին, որը ենթադրում է 2027 թվականին Չեմպիոնների Լիգայի, Եվրոպայի Լիգայի և Կոնֆերենցիաների Լիգայից հրաժարվելու մասին:
Նախօրեին իսպանական El Pais-ը հայտնել էր, որ ՈՒԵՖԱ-ն Եվրոպական ակումբների ասոցիացիայի (ECA) հետ միասին քննարկում է երեք դիվիզիոնների՝ Սուպերլիգա, Եվրոպա լիգա և Հավակնորդների լիգա, չեղարկումը։
«ՈւԵՖԱ-ն նման նոր նախագծի վրա չի աշխատում: ՈՒԵՖԱ-ի հակառակությունը, այսպես կոչված, Սուպերլիգայի ցանկացած տեսակին լավ փաստագրված է, և որևէ այլ բանի մասին լուրերը բացարձակապես անհիմն են: Մենք անհամբեր սպասում ենք 2024 թվականից ակումբային մրցաշարերի նոր ձևաչափի ներդրմանը, որը պահպանում է այն սկզբունքը, որ ներքին առաջնությունում ելույթը եվրոպական մրցաշարի որակավորման բանալին է և երկրպագուներին թույլ կտա տեսնել ավելի կարևոր եվրոպական հանդիպումներ»,- ասել է ՈւԵՖԱ-ն Calcio e Finanza-ին:
