«Ռոմայի» գլխավոր մարզիչ Ժոզե Մոուրինյոն մեկնաբանել է Ա Սերիայի 7-րդ տուրի խաղում «Ֆրոսինոնեի» նկատմամբ տարած հաղթանակը (2:0).
«Ես պետք է ֆուտբոլիստներին կատարյալ տրամադրվածություն տայի: Հիասթափությունից, ճնշումից ու քննադատությունից հետո չես կարող մեկ սրտով մտնել այսպիսի խաղի: Եթե դա անես, կարմիր քարտ կստանաս, կկորցնես գլուխդ, երբ դեռ 0-0 է, կամ ամբողջովին կենտրոնացած կլինես ժամացույցի վրա, եթե 1-0 հաշվով առաջ ես:
Այս խաղում հաղթելու համար դուք պետք է ունենաք էմոցիոնալ հավասարակշռություն: Ես այս վերաբերմունքը փոխանցել եմ իմ թիմին։ Կարծում եմ՝ այս դժվար պահերը զգալու իմ փորձառությունն օգնեց ինձ հասնել ֆոտբոլիստներին։ Երբ «Ֆրոզինոնեն» պահեր ստեղծեց, մենք խուճապի չմատնվեցինք: Սա գեղեցիկ խաղի օր չէր, դա անհնար էր, հատկապես այս մրցակցի դեմ։ Ես անընդհատ ասում եմ դա, և ոմանք կարող են չհամաձայնել, բայց իտալական ֆուտբոլը ամենամարտավարականն է, և այդ պատճառով Իտալիան ունի լավագույն մարզիչները:
Լուկակուն արդեն շատ բան գիտի, ինչպես և Ռենատու Սանչեշը, այնպես որ նրանք ավելի արագ հարմարվեցին, բայց բոլորին ժամանակ և դրական արդյունքներ է պետք վստահություն ձեռք բերելու համար: Եթե մենք չհաղթեինք հանդիպումը, ապա Կոլիզեումը կպայթեր, ուստի ես պետք է ռիսկի դիմեի և բաց թողնեի Դիբալային»,- մարզչի խոսքերն է մեջբերում Football Italia-ն։
