Մադրիդի «Ռեալի» դարպասապահ Տիբո Կուրտուան ​​կիսվել է իր ակնկալիքներով, թե արդյոք կկարողանա խաղադաշտ վերադառնալ այս մրցաշրջանի ավարտից առաջ։

Հիշեցնենք, որ մինչմրցաշրջանային մարզումների ժամանակ բելգիացին պատռել է ծնկի խաչաձև կապանները, ինչի պատճառով էլ բաց է թողնում մրցաշրչանի այս հատվածը։

«Ես քրտնաջան աշխատում եմ, որպեսզի հնարավորինս շուտ վերադառնամ: Ցանկանում եմ վայելել ֆուտբոլը մրցաշրջանի վերջում»,- ասել է Կուրտուան ​​El Chiringuito TV-ի հետ կարճ զրույցում։

Հիշեցնենք, որ Մադրիդի «Ռեալը» որպես Կուրտուայի ժամանակավոր այլընտրանք վարձավճարով հրավիրել է Կեպա Արիսաբալագային Լոնդոնի «Չելսիից»։