Մադրիդի «Ռեալի» նախկին ֆուտբոլիստ Լուիշ Ֆիգուն բարձր է գնահատել մադրիդյան ակումբի նորեկ Ջուդ Բելինգհեմի խաղը։
«Նա սկսեց շատ ուժեղ և շատ արագ հարմարվեց այն բանին, թե ինչպիսին է «Ռեալը»։ Արդյո՞ք Բելինգհեմն արդեն աշխարհի լավագույն ֆուտբոլիստներից մեկն է: Այո, անկասկած։ Իր տաղանդի և նվիրվածության շնորհիվ՝ չնայած այդքան երիտասարդ տարիքին»,- ասել է Ֆիգուն AS-ին։
Հիշեցնենք, որ Լա Լիգայի 4 մեկնարկային տուրերում 20-ամյա անգլիացին դարձել է 5 գոլի և 1 գոլային փոխանցման հեղինակ։
