«Բարսելոնայի» կիսապաշտպան Իլկայ Գյունդողանը կկարողանա օգնել իր թիմին «Բետիսի» դեմ առաջիկա խաղում։
Ինչպես հայտնի է դարձել լրագրող Ադրիան Ալբեստին, Գյունդողանը վնասվածք չունի։ Կատալոնական ակումբի բժիշկներն արդեն բուժզննում են անցկացրել, պարզվել է, որ ֆուտբոլիստը սովորական կապտուկ է ստացել։ Եթե հետևանքներ չլինեն, 32-ամյա կիսապաշտպանը կխաղա «Բետիսի» դեմ, ասել է աղբյուրը։
Հիշեցնենք, որ գերմանացին վնասվածք էր ստացել Գերմանիայի եւ Ֆրանսիայի ազգային հավաքականների ընկերական խաղում։
