Բրազիլիայի հավաքականի հարձակվող Նեյմարը, ով ՊՍԺ-ից «Ալ-Հիլալ» է տեղափոխվել 2023 թվականի ամռանը, ենթադրել է, որ Սաուդյան Արաբիայի Պրոֆլիգան այս պահին կարող է ավելի ուժեղ լինել, քան Ֆրանսիայի առաջնությունը: Նեյմարը նման եզրակացության է եկել երկու մրցաշարերում աստղային ֆուտբոլիստների թիվը համեմատելուց հետո։
«Եթե այս պահին նայեք Սաուդյան Լիգայի անուններին, ես չգիտեմ, գուցե այն նույնիսկ ավելի ուժեղ է, քան Լիգա 1-ը»,- Նեյմարի խոսքերն է մեջբերում ESPN-ը։
31-ամյա Նեյմարի տրանսֆերի համար «Ալ-Հիլալը» ՊՍԺ-ին վճարել է 90 մլն եվրո։ Փարիզյան ակումբի կազմում անցկացրած 173 խաղում բրազիլացին խփել է 118 գոլ և կատարել 77 գոլային փոխանցում։
