«Բարսելոնայի» կենտրոնական պաշտպան Ինիգո Մարտինեսը բարձր է գնահատել թիմի երիտասարդ հարձակվող Լամին Յամալի հեռանկարները, ով տպավորել է գլխավոր մարզիչ Չավի Էրնանդեսին մինչմրցաշրջանային մարզումների ժամանակ և տեղ է գրավել հիմնական կազմում։
«Յամալը շատ կարևոր ֆուտբոլիստ է «Բարսելոնայի» համար, նա արդեն ցույց է տալիս դա խաղադաշտում։ Չպետք է ավելորդ ճնշում գործադրենք նրա վրա։ Նրա հետ պետք է լինել շատ նուրբ»,- Մարտինեսի խոսքերն է մեջբերում Barca Universal-ը։
Հիշեցնենք, որ Ինիգո Մարտինեսը ինքը «Բարսելոնային» է միացել անցած ամառ ազատ գործակալի կարգավիճակով։
