«Ալ-Նասրի» հարձակվող Կրիշտիանու Ռոնալդուն ասել է, որ իրեն համարում է բոլոր ժամանակների լավագույն ռմբարկուն։
38-ամյա պորտուգալացին հարցազրույց է տվել YouTube-ի Binance ալիքին, որում նա փորձարկվել է ստի դետեկտորի վրա։
– Որևէ մեկը կգերազանցի՞ ձեր խփած գոլերի ռեկորդը։
– Ոչ:
– Դուք բոլոր ժամանակների լավագույն ռմբարկու՞ն եք:
– Այո,- պատասխանել է Ռոնալդուն։
Ստի դետեկտորը ցույց է տվել, որ ֆուտբոլիստի երկու պատասխաններն էլ ճշմարիտ են։
Ռոնալդուն այս տարվա հունվարից հանդես է գալիս Սաուդյան Արաբիայի «Ալ-Նասրում»։ Ընթացիկ մրցաշրջանում նա թիմի կազմում անցկացրած 5 խաղում դարձել է 6 գոլի և 5 գոլային փոխանցման հեղինակ։
Նախկինում Ռոնալդուն հանդես է եկել «Մանչեսթեր Յունայթեդում», «Յուվենթուսում», «Ռեալում» և «Սպորտինգում»։ Բացի այդ, նա Պորտուգալիայի հավաքականի կազմում անցկացրած 200 խաղում ունի 123 գոլ։
